ԳԼԽԱՎՈՐ ԷՋ
ՀԱՅ ԱՇԽԱՐՀ
ՓՆՏՐԵԼ ԿԱՅՔԻ ՄԵՋ
ՏԵՍԱՀՈԼՈՎԱԿՆԵՐ
ՆԿԱՐՆԵՐ
ՀՈԴՎԱԾՆԵՐ
ՊՈԵՄՆԵՐ
Բանաստեղծություններ
Բանաստեղծություն
ՖՈՐՈՒՄ
Паруйр Севак, стихи на русском
ՀՅՈՒՐԵՐԻ ԳԻՐՔ
ՈՒԹՆՅԱԿՆԵՐ
ԴՈՒ ԼՍՈՒՄ ԵՍ
ՄԱՐԴ ԱՓԻ ՄԵՋ
ՈՐԴՈՒՍ
Մեղանչել - Զղջում եմ
ԱՆԼՌԵԼԻ ԶԱՆԳԱԿԱՏՈՒՆ
Մենք հանդիպեցինք...
ԲԱՐԵԽՈՍ ԵՂԻՐ ԻՄ ԵՎ Ի...
ԱՆՈՒՂՂԵԼԻՆ
ԵՎ ԱՅՐ ՄԻ՝ ՄԱՇՏՈՑ ԱՆՈՒՆ
ՆԱՀԱՆՋ ԵՐԳՈՎ
ՊԱՏԿԵՐԱՑՆՈՒՄ ԵՄ
ԼՈՒՍԻՆ
ՄԱՐԴ ԷԼ ԿԱ, ՄԱՐԴ ԷԼ
Գովերգում եմ
Ձայնագրություններ
Հորիզոնական անուն
ԷԼԵԿՏՐԱԿԱՆ ԱՂԵՏ
ԵՌԱՁԱՅՆ ՊԱՏԱՐԱԳ
Virtual Tours, Tsits...
ՀԵՏԱԴԱՐՁ ԿԱՊ
Գրանցում
|
Մուտք
Պարույր Սևակ
Պարույր Սևակ
Իմ հա´յ ժողովուրդ
Իմ հա´յ ժողովուրդ, դու փոքր ես եղել,
Աղբյու՜ր ես եղել և ո´չ թե հեղեղ:
Դու փոքր ես եղել, եղել ես մի բուռ,
Բայց մեծ է եղել ափդ լիաբուռ:
Դու փոքր ես եղել այն մուրճի´նման,
Որ ձև է տվել ժայռերին համառ:
Փո՜քր, բայց նման այն կշռաքարին,
Որ միշտ դրվել է բարու նժարին
Եվ այդ նժարը ներքև է տարել...
Եկել են դարեր, անցել են դարեր,
Քեզ մատնել սրի, ավերի, գաղթի:
Բայց տիրացել ես այսօր մի բախտի,
Որ մեծ է քո հին վշտերի´ց անգամ:
Եվ լա՜վ է որքան, ինչ քա՜ղցր է զգալ,
Որ այսօր, երբ աշխարհը համայն
Կշեռքի երկու թաթի է նման,
Դու քո պատմության դասերով բոլոր,
Քո երջանկությամբ ու բախտով քո նոր,
Քո հին անունով, կյանքով դժվարին՝
Ծանր կանգնած ես այն մեծ նժարին,
Որ ծանր է կշռում ո´չ թե արկերով,
Ո´չ թե վառոդի, զենքի հակերով,
Ո´չ թե ավերման կրքով կատաղի,
Ո´չ թե մայրերի արցունքով աղի,
Այլ երջանկության մշտավառ հրով,
Խաղաղ ծերությամբ, շիկնանքով սիրո,
Հպարտ մայրությամբ, ծիծաղով մանկան,
Ձեռքի սեղմումով բարեկամական...
Այն մեծ նժարին, որտեղ ապագան
Ու պատմությունն են դարձել կշռաքար: